La cigale et la fourmi...

Chez les Ch'ti



Cheul' cigale ayant canté tout l'été
N'avot pus rin à minger
Quand y commincha à g'ler.
Al' avot même point ein' mouque
Ni un vier à mett' dins s'bouque.
AI' dit

J'vas buquer au glin
De l'fourmi, in verra bin.

Et là al' se met à braire
Et à étaler s'misère.

Vous veyiez j'sus au chomache
Et cha m'rindrot fin bénache
Si vous m'prétiez ein' séquo,
J'sais point mi, quedcose eud' caud
Ou d'frod, ch'est sans importance
Du momint qu'cha rimplit m'panche.
J'vous l'rindrai, soyez-in sûre
Aussitôt qu'y a pus d'frodure.

Ch'eul fourmi n'aime point gramint
Eus'démunir eud'sin bien.
Et avec eus' bouque eud' coin
Al' li d'minte à brûle pourpoint :

Alors, qu'est- ch' que te faijos
Au lieu d'aller au boulot ?

Bin, j'dos bin vous l' l'avouer
Euj' n'arrétos point d'canter.

Ah te cantos tes canchons
Sur un. air eud' mirliton
Pendant qu'mi j'étos tout' fraique
Pour mi point claquer du bec,
Bin si t'as rien à maquer
T'as qu'à dinser d'vant l'buffet.

                                                           Autre version